Kadetja e Forcave të Sigurisë së Kosovës (FSK), Ilirianë Bunjaku u shpërblye me çmimin Shpata Ndërkombëtare e cila i jepet kadetit me performancën më të lartë nga Akademia Ushtarake e Mbretërisë së Bashkuar.
Ish-Ministrja e Jashtme, Meliza Haradinaj-Stublla ka shpërndarë një fotografi nga momenti kur Bunjaku nderohet me çmimin.
“KRENARI, EMOCION, INSPIRIM të shohim kadeten e FSK-së Ilirianë Bunjaku tek i prezantohet shpërblimi i nderit për demonstrim të qëndrueshmërisë fizike, guxim, dhe aftësi të vërteta lidershipi”, ka shkruar Haradinaj-Stublla në Facebook.
![](https://www.gazetaexpress.com/wp-content/uploads/2021/04/170595704_278163947263005_9093340312874410209_n-1000x561.jpg)
Postimi i plotë pa ndërhyrje:
KRENARI, EMOCION, INSPIRIM të shohim kadeten e FSK-së Ilirianë Bunjaku tek i prezantohet shpërblimi i nderit për demonstrim të qëndrueshmërisë fizike, guxim, dhe aftësi të vërteta lidershipi
Në Paradën e Sovranit, live nga Akademia Ushtarake Mbretërore SANDHURST në Mbretëri të Bashkuar, Iliriana jonë lartësoi shtetin e saj, kur u ftua emri i saj dhe u shqiptua emri i Republikës së Kosovës për të pranuar shpërblimin e nderit ‘Shpata Ndërkombëtare’ nga Gjenerali britanik Sir Nicholas Carter.
Ky moment dëshmon edhe njëherë kapacitetin profesional e ushtarak të Ushtrisë së Kosovës. Mirënjohje të thellë Mbretërisë së Bashkuar, e cila me Ilirianën e Arditin këtë vit, ka mundësuar shkollimin e gjithsej 23 kadetëve të FSK-së deri më sot.
Urime dhe faleminderit Ilirianë.
Mirë u kthefsh në Kosovë e në FSK!
![](https://www.gazetaexpress.com/wp-content/uploads/2021/04/171275422_278163950596338_3111141545066715895_n-1000x563.jpg)
![](https://www.gazetaexpress.com/wp-content/uploads/2021/04/171641219_278163953929671_7154324858733580369_n-1000x567.jpg)
![](https://www.gazetaexpress.com/wp-content/uploads/2021/04/172025591_278163943929672_3829516752296431424_n-1000x563.jpg)