Policia e Rajonit të Prishtinës, sot rreth orës 18:30, në rrugën “Migjeni” në Prishtinë, kanë ndaluar një veturë të tipit Mercedes me targa të huaja.
Pas një kontrolli të detajuar që i është bërë personit dhe veturës, policia ka arritur që të gjej dhe të sekuestrojë një revole të tipit TT, 8 fishekë, një sasi e vogël e substancës narkotike, si dhe një peshore.
Sipas Policisë, i dyshuari M.G mashkull 25 vjeç, shtetas i Republikës së Kosovës, është shoqëruar në stacionin policor dhe ndaj tij po kryhen procedurat e nevojshme policore në koordinim me prokurorin e shtetit.
