Presidenti i Serbisë, Aleksandar Vuçiq, zbarkoi sot në Rashkë, ku pritet të takohet me përfaqësuesit e serbëve nga Kosova në kazermat lokale të ushtrisë serbe.
Ai do të vizitojë njësitë e Ushtrisë Serbe në kazermë, dhe gjithashtu do të vizitojë njësitë e xhandarmërisë, raporton Tanjugu serb.
Vizita e Vuçiqit në Rashkë vjen pas aksionit të Policisë së Kosovës në Mitrovicën veriore, ku u përballën me protestuesit serb të cilët kundërshtuan aksionin e policisë duke i gjuajtur me gurë, gaz lot sjellës e gjësende të tjera.
Aksioni i Policisë së Kosovës që filloi mëngjesin e sotëm kishte për qëllim luftën kundër kontrabandës në disa lokacione dhe komuna të ndryshme të Kosovës, përfshirë këtu edhe Mitrovicën jugore e veriore.
