Sunday, May 16, 2021
HomeLajmeKosovaMSH: Mbi 4 mijë e 200 nëpunës të institucioneve shëndetësore janë vaksinuar

MSH: Mbi 4 mijë e 200 nëpunës të institucioneve shëndetësore janë vaksinuar

Ministria e Shëndetësisë ka bërë të ditur se deri dje mbi 4 mijë e 200 nëpunës të institucioneve shëndetësore kanë marrë dozën e parë të vaksinës kundër COVID-19.

 

Vaksinimi kundër COVID-19 po vazhdon sot me vaksinimin e qytetarëve të grupmoshës mbi 80 vjeçe, fillimisht me personat mbi 85 vjeç, për të vazhduar pastaj me ata 80-84 vjeç.

“Deri dje, mbi 4200 nëpunës të institucioneve shëndetësore kanë marrë dozën e parë të vaksinës kundër Covid-19, ndërsa nga sot, procesi është shtrirë edhe te grupet e tjera prioritare sipas Planit Shtetëror të Vaksinimit kundër COVID-19, përfshirë këtu të moshuarit dhe personat e vendosur në shtëpitë e kujdesit për të moshuar”, thuhet në njoftim.

“Ekipi menaxhues i procesit të vaksinimit në Prishtinë, përkrahur nga Komiteti për vaksinim kundër COVID-19, bashkë edhe me ekipet e njësive të vaksinimit anekënd Kosovës, vullnetarët, dhe kontribues të tjerë janë përfshirë në administrimin e këtij procesi shumë të rëndësishëm në luftën e përbashkët kundër COVID-19”, thuhet në njoftimin e MSH-së. 

RELATED ARTICLES
- Advertisment -

Most Popular

Recent Comments