Thursday, April 15, 2021
HomeLajmeKosovaDeputeti i VV-së nervozohet me mediat pse raportuan për emërimin e xhaxhait...

Deputeti i VV-së nervozohet me mediat pse raportuan për emërimin e xhaxhait të Konjufcës

Për Enver Dugollin, deputet i VV-së, është krejt normale që xhaxhai i Glauk Konjufcës është emëruar këshilltar në ministrinë e Mbrojtjes, pavarësisht deklarimeve të mëhershme të Albin Kurtit se “kushërinjtë e të afërmit duhet lënë te shpia, e jo nëpër ministri”.

 

Me anë të një postimi në Facebook,  Dugolli i ka sulmuar mediat që raportuan, duke aluduar në faktin se një gjë e tillë nuk përbën lajm.

“E paskan “zbuluar” ujin e nxehtë”, ka shkruar ai.

Madje këtë punësim familjar ai e konsideron krejt normal, pasi që sipas tij xhaxhai i Konjufcës është një njeri profesional.

Postimi i plotë:

Shumë zhurmë për asgjë

Disa portale paskan filluar të krijojnë “lajm” se si ministri i Mbrojtjes e paska marr këshilltar politik një të afërm të kryeparlamentarit Konjufca.

E paskan “zbuluar” ujin e nxehtë.

Rabit Konjufca

është ish pjesëtar i UÇK-së,TMK-së dhe FSK-së. Pas pensionimit u shqua si aktivist i LV-së, dhe si njeri profesional dhe i ngritur edhe anëtar i Komitetit Profesional për Mbrojtje dhe Siguri dhe tani natyrshëm këshilltar politik në kabinetin e Ministrit të Mbrojtjes. Eksperienca, dija dhe ndershmëria e tij janë të vlefshme për Ministrin Mehaj dhe Ministrinë e Mbrojtjes.

Është për keqardhje kjo tendenca e disa portaleve kur mundohen të krijojnë mjegull kur situata është e çiltër kristal.

Le ta kuptojnë njëherë e përgjithmonë (edhe pse besoj e dijnë), se këto poste janë politike dhe njerëzit që bëhen pjesë në këto kapacitete, përveçse duhet të jenë profesional, të ndershëm e punëtor, duhet të jenë të besueshëm edhe politikisht.

Mos po u dashka që këshilltar politik të kabineteve të vendosen njerëz nga taborët tjera politike si PDK, LDK, AAK…?.

RELATED ARTICLES
- Advertisment -

Most Popular

Recent Comments