Ka ndërruar jetë aktori i njohur mitrovicas, Bedri Selmani, në moshën 70-vjeçare.
Ai ishte aktor i njohur kosovar,që ka luajtur rolin e Ismail Qemalit,në shfaqje brenda dhe jashtë Kosovës.
Lajmin për vdekjen e tij e ka bërë të ditur dhëndri i tij, Agron Ademi, përmes një njoftimi mortor.
“Njoftojmë me pikëllim të thellë familjarët, miqtë dhe dashamirët se ka ndërruar jetë më i dashuri ynë, Bedri Ramadan Selmani, në moshën 70-vjeçare”, thuhet në njoftim.
Ceremonia e varrimit do të mbahet të enjten, më 6 gusht 2026, pas namazit të drekës, në varrezat e Shipolit, në Mitrovicë.
Familjarët kanë shprehur ngushëllimet dhe kanë falënderuar të gjithë ata që do të marrin pjesë në ceremoninë e lamtumirës së të ndjerit.
