Shqipëria ka marrë fitoren më të rëndësishme në shtatë vitet e fundit, pasi ka mposhtur Poloninë me rezultat të pastër 2-0.
Jasir Asani dhe Mirlind Daku realizuan golat e fitores për kuqezinjtë që tani e shohin vetën në krye të Grupit E me 10 pikë të grumbulluara.
Në stadiumin ‘Air Albania’ në Tiranë ka qenë një atmosferë e jashtëzakonshme ku nuk kishte asnjë vend të lirë pas të gjitha biletat ishin shitur.
E pas përfundimit të ndeshjes futbollistët dhe tifozët dhuruan një shfaqje spektakolare nga festa e tyre.
Në sfonde ishte kënga e pavdekshme e Shkurte Fejzës ‘Mora fjalë’ këngë që i kushtohet komandantit legjendar Adem Jasharit.
Të gjithë futbollistët dhe stafi teknik u afruan te tifozët për të festuar derisa këndonin këngën e komandantit legjendar Adem Jashari.
Një Kombëtare e bashkuar e me grintë të madhe dhe kësisoj edhe sukseset nuk mungojnë.
Video në fjalë është shpërndarë jashtëzakonisht shumë pasi shihen qartë emocionet e futbollistëve nga të gjitha trevat shqiptare duke kënduar këtë këngë.
