Friday, March 29, 2024
HomeLajmeKosovaShpërthejnë dy granata në Prishtinë, policia jep detaje

Shpërthejnë dy granata në Prishtinë, policia jep detaje

 

Policia e Kosovës ka bllokuar zonën rreth hotelit “Princi i Arbërit”për shkak se dyshohet që në afërsi të saj janë hedhur dy granata dore.

Lajmin  e ka konfirmuar zëdhënësi i Policisë së Kosovës për rajonin e Prishtinës, Agron Borovci.

“Rreth orës 22:00 është raportuar se në rrugën ”Asllan Pireva” në Prishtinë janë dëgjuar detonime.”

Menjëherë pas marrjes së kësaj informate policia ka dalë në vendin e ngjarjes, me ç’ rast ka ndërmarrë të gjitha veprimet e nevojshme, të sigurisë si dhe ato hetimore-ekzaminuese.

Informacionet e para flasin për shpërthimin e  dy mjeteve shpërthyese  të cilat fatmirësisht nuk kanë shkaktuar pasoja në njerëz përveç dëmeve materiale”, ka konfirmuar Borovci.

Policia e Kosovës ka dalë në vendin e ngjarjes dhe është duke e menaxhuar situatën.

“Aktualisht të gjitha njësitë e nevojshme policore për të menaxhuar me situatën dhe hetuar rrethanat e rastit janë në vendin e ngjarjes dhe po kryejnë veprimet e duhura policore”, ka thënë Borovci.

RELATED ARTICLES
- Advertisment -

Most Popular

Recent Comments