Kuvendi i Kosovës është duke zhvilluar seancë të veçantë për shënimin e 23-vjetori të ndërhyrjes së NATO-s në Kosovë.
Seanca ka filluar me një minutë heshtje në nderim të ish-Sekretares së Shteteve të Bashkuara të Amerikës, Madeleine Albright, e cila vdiq dje.
Kryekuvendari, Glauk Konjufca deklaroi se kontributi i saj ka qenë i çmueshëm dhe i pazëvendësueshëm për lirinë dhe pavarësinë e Kosovës.
“Ajo së bashku me presidentin Clinton gjatë mandatit të dytë presidencial ku shërbeu si sekretare e shtetit – ishin forca kryesore botërore shtytëse për ndaljen e gjenocidit që po bëhej prej shtetit serb mbi popullin e Kosovës.Prandaj për shkak të lidhjes së dy popujve dhe pikëllimit që kemi për Albrightin propozoj që si deputetë ta nderojmë zonjën Albright me një minutë heshtje”, ka thënë ai.
