Barcelona qëndron e katërta në mesin e të gjitha skuadrave të Ligës së Kampionëve për nga paratë e fituara në fazën e grupeve. UEFA i ka dhënë 71.5 milionë euro Blaugranasëve, raporton Diario AS.
Çdo ekip që merr pjesë në fazën e grupeve merr 15.6 milionë euro, plus 9.8 milionë euro për të gjitha skuadrat që arrijnë në fazën eliminatore. 2.8 milionë euro jepen për çdo fitore, kështu që katalanasit kanë grumbulluar 11.2 milionë euro për katër fitoret e tyre.
Ka edhe shumë para që u jepen klubeve në bazë të koeficientit të tyre historik, ku faktori kryesor është performanca e ekipit në kompeticion gjatë dhjetë viteve të fundit. Barçës i janë dhënë 34.9 milionë euro për suksesin e saj të mëparshëm në Ligën e Kampionëve.
1. Real Madrid , 79.9 milionë euro
2. Bayern Munich , 76.6 milionë euro
3. Manchester City , 76.5 milionë euro
4. Barcelona , 71.5 milionë euro
5. Atletico Madrid , 71.1 milionë euro.
