Thursday, April 15, 2021
HomeLajmeQazim Rrahmani kërkon që Kurti ta lirojë nga detyra e zv.ministrit pas...

Qazim Rrahmani kërkon që Kurti ta lirojë nga detyra e zv.ministrit pas raportimeve se ka qenë i dënuar

Zëvendësministri në Ministrinë e Financave, Punës dhe Transfereve, Qazim Rrahmani, përmes një njoftimi në rrjetin social “Facebook”, i  ka dorëzuar kryeministrit Kurti, dorëheqjen e tij nga kjo pozitë, raporton Express.

“Sot unë Qazim Rahmani kam kërkuar nga Kryeministêri Kurti , lirimin nga detyra e zv.Ministërit tê MFPT-së. Arsyja e këtij vendimi është që subjekti im PAI ka parë të arsyeshme që kontributin im të jetë në një pozit tjetër politike andaj kontributi dhe angazhimi im nuk do të mungoj në të mirë të komunitetit dhe subjektit politik PAI-së. ju falenderoj pêr mirëkuptim”, ka shkruar ai.

Rrahmani ishte shpallur fajtor nga Gjykata Themelore në Prishtinë, për veprën penale të keqpërdorimit të pozitës apo autoritetit zyrtar.

Prokuroria pretendonte se Rrahmani, gjatë periudhës qershor 2015 e deri në janar 2016, nga kartela bankare zyrtare, e destinuar për udhëtime jashtë vendit, ka nxjerrë shumën prej 12.363.40 euro, pa pasur aprovim për udhëtime zyrtare.

Për këtë vepër ai ishte dënuar gjashtë muaj burgim, mirëpo, me pëlqimin të tij, ky dënim me burg i ishte zëvendësuar pastaj në dënim me gjobë në lartësi prej 3,000 euro, për të cilin vendim ai nuk kishte bërë fare ankesë

 

https://www.facebook.com/qazim.rrahmani.16/posts/492193448632430

RELATED ARTICLES
- Advertisment -

Most Popular

Recent Comments