Parlamenti gjithëserb” duhet marrë seriozisht, si një kërcënim për paqen në rajonin e Ballkanit Perëndimor, edhe pse e gjithë kjo duket si folklor politik me të cilin Aleksandar Vuçiq dhe Milorad Dodik duan të mbulojnë se janë të lodhur politikisht. Me një ideologji të tillë, ata tregojnë paaftësinë e tyre për t’iu përgjigjur pyetjeve jetike të shekullit 21, të cilat janë të nevojshme për të ardhmen e sigurt si të popullit serb, ashtu edhe të të gjithë popujve në Ballkanin Perëndimor. Kështu thotë deputeti i Bundestagut, Josip Juratoviq në një intervistë për Pobjeda.
Ai shpjegon se kjo është një nga arsyet pse Aleksandar Vuçiq dhe Milorad Dodik sillen në një panik të tillë, sepse e dinë se fundi i tyre politik po u afrohet përmes funksionalitetit të institucioneve demokratike.
