Deputeti të Aleancës për Ardhmërinë e Kosovës, Pal Lekaj i janë ngatërruar fjalët sot në seancën e Kuvendit të Kosovës.
Kur ishte duke iu kundërpërgjigjur ministrit të Financave dhe Transfereve, Hekuran Murati, Lekaj gaboi dhe duke thënë se ka punuar për liberalizimin e tregut, tha se ka punuar për liberalizimin e vizave.
“Ma s’pari duhet me ditë se kur ka filluar, me cilin ligj funksionin dhe se çfarë është kryer në mandatin tim si ministër për liberalizimin e vizave. Liberalizimin e tregut e pata fjalën, se i kam mendtë tek liberalizimi i vizave tuaja”, ka thënë Lekaj.
Në Kuvendin e Kosovës, Lekaj dhe Murati kanë debatuar për çështjen e krijimit të monopoleve në kohën sa ai ishte ministër i Infrastrukturës.
