Ish-deputetja e LDK-së, Melihate Tërmkolli ka folur rreth një përplasje që kishte pasur me avokatin Tomë Gashi gjatë një debati televiziv.
Tërmkolli tha se e ka falur Gashin duke shtuar se nuk ka çfarë të bëj me atë niveli njeriu.
“Unë e kam falë në njëfarë mënyre. E kam falë sepse s’kam çfarë bëj me atë nivel njeriu. Edhe Zoti i falë të gjithë ata që bëjnë punë të këqija”, ka thënë Tërmkolli në Kanal 10.
Ndërsa Gashi mbrëmë në Pressing deklaroi se nuk i kërkon falje Tërmkollit pasi sipas tij, ajo e kishte fyer e para.
Në një debat televiziv kishte eskaluar situata ndërmjet Melihate Tërmkollit dhe Tomë Gashit.
Derisa anëtarja e LDK-së fliste për Vetëvendosjen dhe qeverisjen e saj pas 6 tetorit, Gashi vazhdonte të ndërhynte duke thënë se Kosova s’ka nevojë të dialogojë me Serbinë dhe se pavarësia e Kosovës është vulosur edhe me vendimin e Gjykatës Ndërkombëtare të Drejtësisë.
Dhe në këtë moment ka reaguar Tërmkolli duke i thënë Gashit se ai e kupton vetëm fjalën serbe “çuti” që do të thotë hesht.
“Çuti, se ti veç kështu kupton dhe e din mirë pse e kupton këtë”, i kishte thënë Tërmkolli, Gashit në RTK.
Pas kësaj, avokati Gashi i është drejtuar zonjës Tërmkolli me “Zotri Tërmkolli”. “Ani Zotri Tërmkolli”, tha ai, ndërsa Tërmkolli më nuk vazhdojë të fliste.
