Një sasi prej 30 thasëve duhan refuz janë konfiskuar nga policia që po shkonte nga Kosova në drejtim të Maqedonisë së Veriut.
Lajmi është bërë i ditur nga Policia e Kosovës, nëpërmjet një postimi në ‘Facebook’, derisa është bërë e ditur se njësitet policore po kryjnë hetime lidhur me rastin e personin e dyshuar.
“Debëlldeh, SPMK Zhegër-30.11.2021. Si rezultat i punës dhe angazhimeve nga njësitë policore është vërejtur një veturë e dyshuar, e cila dyshohet se ka ardhur nga drejtimi i kufirit me Republikën e Maqedonisë. Njësiti policorë gjatë kontrollit në veturë ka gjetur tridhjete thasë (30) duhan refuz. Në lidhje me rastin është konsultuar prokurori i shtetit dhe rasti procedohet në procedurë të rregullt, ndërsa malli i konfiskuar dhe vetura i janë dorëzuar doganës së Kosovës. Njësitet policore janë duke kryer hetime intensive lidhur me rastin dhe personin e dyshuar”, thuhet në njoftim.
