Monday, May 10, 2021
HomeLajmeKosovaKërkohet rritje e pagave për punëtorët e sektorit privat në Kosovë

Kërkohet rritje e pagave për punëtorët e sektorit privat në Kosovë

Sindikata e Pavarur e Sektorit Privat e Kosovës ka protestuar më 1 Maj, në Ditën Ndërkombëtare të Punëtorëve, duke kërkuar më shumë të drejta për punëtorët e sektorit privat në këtë vend.

Jusuf Azemi, udhëheqës i kësaj sindikate ka kërkuar sigurime shëndetësore dhe paga më larta.

“Synimet tona në të ardhmen janë që të mos ketë pagë nën 350 euro. Punëtorët duhet të vetëdijesohen, duhet ta vlerësojnë punën që bëjnë”, ka thënë ai.

Në mesin e kërkesave tjera, anëtarë të Sindikatës kanë përmendur edhe nënshkrimin e kontratës kolektive, themelimin e gjykatës së punës, themelimin e fondit për punëtorë, që kanë humbur jetën në vendin e punës, trajtim të barabartë me punëtorët e sektorit publik e tjera.

Sektori privat është punëdhënësi më i madh në Kosovë.

Vlerësohet se në të punojnë mbi 220 mijë punëtorë.

Paga mesatare në sektorin privat është nën 350 euro.

RELATED ARTICLES
- Advertisment -

Most Popular

Recent Comments