Mëngjesin e sotëm ka ndodhur shpërthimi i një bojleri në një shtëpi në Polac të Skenderajt. Si pasojë e këtij shpërthimi lëndime trupore kanë pësuar tre persona, ndërsa janë evidentuar edhe dëme materiale.
Policia ka njoftuar se të lënduarit janë dërguar për trajtim mjekësor, ndërsa vijon hetimi i rrethanave se si erdhi deri te shpërthimi.
Ekipi i T7 po qëndron në vendin e ngjarjes dhe nga atje sjellë pamje të shtëpisë së djegur si pasojë e shpërthimit të bojlerit.
Rasti është raportuar në polici mëngjesin e sotëm rreth orës 06:38.
