Thursday, June 13, 2024
HomeLajmeKosovaAustria dërgon 190 ushtarë në misionin e KFOR-it në Kosovë

Austria dërgon 190 ushtarë në misionin e KFOR-it në Kosovë

Ministrja e Mbrojtjes e Austrisë, Claudia Tanner, ka bërë të ditur se gjatë këtij muaji në misionin e KFOR-it do të dërgohet kontingjenti i 50-të i ushtarëve austriak, në kuadër të të cilit do të shërbejnë 190 ushtarë.

Tanerova tha se vendi i saj është i përkushtuar për pjesëmarrje aktive në tejkalimin e krizave dhe sigurimin e paqes përmes operacioneve ndërkombëtare të paqes në mënyrë që të përballet me sfidat e reja të shekullit të 21-të.

Austria merr pjesë në këtë mision që nga viti 1999. Komandanti i kontigjentit të ri do të jetë koloneli i Shtabit të Përgjithshëm Bernhard Gruber, i cili do të drejtojë rreth 190 ushtarë.

Që nga 2 korriku 1999, Forcat e Armatosura të Austrisë janë aktive në Kosovë.

Ministria austriake e Mbrojtjes thotë se Forcat e Armatosura të Austrisë kontribuojnë në ruajtjen e rendit dhe sigurisë publike, mbështesin organizatat ndërkombëtare dhe ndihmojnë në rindërtimin e rajonit.

Ajo theksoi se zgjidhja e problemeve aktuale të sigurisë kërkon bashkëpunim të ngushtë në nivel evropian dhe ndërkombëtar.

“Përveç përgjegjësisë së saj parësore për mbrojtjen ushtarake kombëtare, pjesëmarrja në operacionet paqeruajtëse ndërkombëtare është një prioritet i lartë për forcat e armatosura austriake. Ushtarët austriakë kanë dëshmuar gjithmonë se janë partnerë të besueshëm në Kosovë dhe jam e kënaqur që ky kurs vazhdon me rotacionin e kontingjentin e 50-të”, tha ajo.

RELATED ARTICLES
- Advertisment -

Most Popular

Recent Comments