Friday, March 29, 2024
HomeTop LajmetAbdixhiku kritika të mëdha Qeverisë Kurti: Po bëni fushatë në Shqipëri, kur...

Abdixhiku kritika të mëdha Qeverisë Kurti: Po bëni fushatë në Shqipëri, kur në Prishtinë po vdesin 80 qytetarë çdo javë

Lumir Abdixhiku ka bërë kritika të mëdha për Qeverinë Kurti.

Kryetari i LDK-së ka thënë se Qeveria Kurti i ka braktisur njerëzit e vet duke bërë fushtaë e protesta në Shqipëri.

Sipas tij, fillimi i kësaj Qeverie është tepër i dobët.

“Marrja me zgjedhje e protesta në Shqipëri – nga Kryeministri, ministrat e deputetët e tij – në kohë kur nga 80 bashkëqytetarë në javë na vdesin në Prishtinë; kur të moshuarit e të rrezikuarit presin vaksinim, tregon papjekuri, tregon papërgjegjësi.

Përpjekja për të prekurit e familjet e tyre, për secilin tjetër që sot pret shpëtim – qoftë madje edhe si solidarizim – është një shembull sjellje prej lideri. Është lidership. Këtë punë, këtë shembull, këtë sjellje kjo Qeveri nuk po e jep dot!

Ajo i ka braktisur njerëzit e vet. Në vend të kësaj, në kulmin e krizës shëndetësore e ekonomike, pozita, e zgjedhur për të prirë këtu, ka zgjedhur të jetë opozitë protestash e fushatash në një tjetër shtet.
Duket se 14 shkurti është kuptuar si fund e jo si fillim. Por me këtë fillim të dobët, të dobët shumë, edhe muajt e mjaltit marrin fund. Keni përgjegjësi, mbani përgjegjës” shkruan Abdixhiku në reagim.

RELATED ARTICLES
- Advertisment -

Most Popular

Recent Comments