Kryesia e Kuvendit të Kosovës do të mblidhet sot në orën 13:00, ku pritet të përcaktojë rendin e ditës për seancën e radhës plenare.
Në këtë mbledhje do të shqyrtohet miratimi i procesverbalit nga seanca e kaluar, deklarimet jashtë rendit të ditës dhe pyetjet parlamentare.
Pikë kyçe e diskutimit do të jetë edhe propozimi i dy kandidatëve për gjyqtarë në Gjykatën Kushtetuese të Republikës së Kosovës.
Po ashtu, Kryesia do të trajtojë edhe propozime dhe kërkesa të tjera që lidhen me punën e Kuvendit.
