Dogana e Kosovës ka ndaluar një ngarkesë me 7,500 produkte të falsifikuara, e cila ishte paraqitur për import nëpërmjet Portit të Durrësit.
Gjatë kontrollit dhe ekzaminimit të ngarkesës, zyrtarët doganorë kanë identifikuar mallra që dyshohet se shkelin të drejtën e pronësisë intelektuale. Bëhet fjalë për:
1,250 mbushës telefoni;
5,750 koka mbushës telefoni;
500 kufje dhe dëgjues me bluetooth;
Fillimisht, në paketimin e jashtëm nuk figuronin brendet e njohura, por pas hapjes është konstatuar se produktet bartnin marka të falsifikuara.
Dogana e Kosovës ka theksuar se mbetet e përkushtuar në mbrojtjen e tregut dhe konsumatorëve nga mallrat e falsifikuara dhe se do të ndërmarrë të gjitha veprimet ligjore të parapara.
