Ministri i Jashtëm i Polonisë, Radoslaw Sikorski, paralajmëroi se Evropa duhet të përgatitet për një sulm të mundshëm nga Rusia dhe e konsideroi të papërgjegjshme mosndërtimin e mbrojtjes ndaj dronëve në krahun lindor të kontinentit.
Ai kërkoi që vendet evropiane të qëndrojnë në mbështetje të Ukrainës dhe shprehu shpresën se presidenti amerikan, Donald Trump, do t’i mundësojë Ukrainës furnizime me raketa “Tomahawk” për të forcuar sulmet ndaj infrastrukturës ruse.
Sikorski theksoi nevojën për më shumë municione, sisteme kundërajrore dhe armë me rreze të shkurtër dhe mesme për të mbrojtur Evropën, duke përmendur incidentet e dronëve mbi Poloni dhe aeroplanëve në hapësirën ajrore të Estonisë.
Ai paralajmëroi se mosndërtimi i kapaciteteve mbrojtëse kundër dronëve është i papërgjegjshëm.
Sikorski gjithashtu nënvizoi se Evropa duhet të mbështesë Ukrainën për tre vitet e ardhshme, duke paralajmëruar se ukrainasit po planifikojnë këtë luftë me maturi dhe se NATO duhet të qëndrojë e vendosur për të paktën tre vjet.
Presidenti rus, Vladimir Putin, ka konsideruar të pamundur një sulm rus ndaj një vendi të NATO-s
