Kandidatja për presidente, Vjosa Osmani, ka shpërndarë një video nga tubimi i mbajtur dje në Istog, në kuadër të fushatës për zgjedhjet e 7 qershorit.
Përmes mesazhit të saj, Osmani ka shprehur mirënjohje të veçantë për qytetarët që morën pjesë në numër të madh në këtë tubim, duke falënderuar turmën për mbështetjen, energjinë dhe entuziazmin e treguar.
“Faleminderit nga zemra, Istog! 
”, ka qenë mesazhi i saj, teksa pamjet e publikuara tregojnë atmosferën dhe pjesëmarrjen e gjerë të qytetarëve në takimin elektoral.
Me të ishte edhe kreu i LDK-së, Lumir Abdixhiku.
Tubimi në Istog ishte pjesë e aktiviteteve të vazhdueshme të fushatës, ndërsa zgjedhjet e 7 qershorit po afrohen dhe kandidatët po intensifikojnë takimet me qytetarët në mbarë vendin.
