Tuesday, July 27, 2021
HomeLajmeKosovaVV thotë se nuk ka gisht në sulmin me vezë ndaj Përparim...

VV thotë se nuk ka gisht në sulmin me vezë ndaj Përparim Ramës

Qendra e VV-së në Prishtinë ka thënë se sulmi me vezë ndaj kandidatit të LDK-së për komunën e Prishtinës, Përparim Rama, nuk është bërë nga anëtarët e tyre.

Rama u sulmua me vezë nga disa persona në një shkollë në lagjen Kodra e Trimave në kryeqytet.

“Reagim ndaj lajmit të rremë”, thuhet në njoftim.

“Sapo u njoftuam nga mediat se disa përsona paskan hedhur vezë në një tubim ku ka qenë prezent kandidatit për kryetar të Prishtinës nga rradhët e LDK-së. Këto lajme janë të pavërteta dhe tendencioze. Aksionet e aktivistëve tanë kanë qenë gjithmonë publike. Pra edhe njëherë ritheksojmë së këto veprime nuk janë organizuar nga Lëvizja VETËVENDOSJE!”, përfundon njoftimi.

Gjatë sulmit të Ramës u dëgjuan disa brohoritje “Vetëvendosje”.

Kështu kanë thënë edhe nga LDK.

“Gjatë një takimi me qytetarët e lagjes “Kodra e Trimave” në oborrin e shkollës ‘Zenel Hajdini’ u sulmuam me vezë nga një grup i të rinjve, të cilët gjithashtu brohorisnin Vetëvendosje. Nuk ka vend për panik, Përparimi po vjen për Prishtinën!”, ka thënë zëdhënësja politike e LDK-së Sibel Halimi për Gazetën Express.

 

RELATED ARTICLES
- Advertisment -

Most Popular

Recent Comments