Wednesday, May 12, 2021
HomeLajmeKosovaQeveria sqaron çështjen e shtesave për pensionistët: Ishte e paraparë vetëm për...

Qeveria sqaron çështjen e shtesave për pensionistët: Ishte e paraparë vetëm për tre muaj

Bujë të madhe bëri vendimi i djeshëm në mbledhjen e Qeverisë së Kosovës lidhur me zvogëlimin e shtesave të cilat merrnin pensionistët.

Ministri i Financave dhe Transfereve, Hekuran Murani ka thënë se nga pakoja e djeshme prej 20 milionë euro e miratuar në qeveri, pjesa më e madhe e saj pra 8.5 milionë euro janë ndarë për të mbështetur skemat e pensionistëve që marrin nën 100 euro, si dhe familjet në asistencë sociale.

Kurse sa u përket shtesave për pensionet bazike, qeveria e kaluar në kohë fushate kishte marrë vendim për të ndarë 30 euro për vetëm tre muaj (janar, shkurt  dhe mars) dhe pas marsit e tutje nuk ka pasur shtresa të planifikuara.

Murati theksoi se me pakon e re janë shtuar 8.5 milionë euro, aty ku qeveria e kaluar kishte buxhetuar 0 euro shtesa.

Ai shtoi gjithashtu se krejt çka do të merrnin pensionistët pa vendimin e djeshëm, do të ishte shuma prej 75 deri në 90 euro, ashtu siç ishte planifikuar në buxhetin e vitit 2021 të miratuar në Kuvend.

Sqarimi i plotë:

Sqarim lidhur me vendimin e djeshëm për shtesat e ndara për skemat sociale dhe pensionale

Nga pakoja e djeshme prej 20 milionë euro e miratuar në qeveri, pjesa më e madhe e saj, 8.5 milionë euro janë ndarë për të mbështetur skemat e pensioneve që marrin nën 100 euro, si dhe familjet në asistencë sociale.

Sa u përket shtesave për pensionet bazike, qeveria e kaluar në kohë fushate, kishte marrë vendim për të ndarë nga 30 euro për vetëm tre muaj (janar, shkurt dhe mars).

Dhe pas marsit e tutje, shtesat ishte paraparë të ndalen në tërësi.

Me pakon e re, kemi shtuar 8.5 milion euro, aty ku qeveria e kaluar kishte buxhetuar 0 euro shtesa. Pra për muajt prill e tutje, nuk ka pasur shtesa të planifikuara.

Krejt çka do të merrnin pensionistët pa vendimin e djeshëm të qeverisë, do të ishte shuma prej 75 ose 90 eurove, ashtu siç është e planifikuar në buxhetin e vitit 2021, të miratur në Kuvend.

Ministria e Finacave, Punës dhe Transfereve, ka paraparë që për kategoritë e skemave pensionale që marrin nën 100 euro – e këtu ka kategori me 75 euro dhe me 90 euro – të aplikohet një shtesë, asisoj që shuma totale e pensionit me gjithë shtesën të jetë 100 euro.

Këto shtesa do të vazhdojnë përgjatë tërë vitit, njësoj sikurse mbështetja për përfituesit e asistencës sociale.

RELATED ARTICLES
- Advertisment -

Most Popular

Recent Comments