Monday, June 14, 2021
HomeLajmeKosovaPamje/ Italianët tregojnë si u ndoqën dhe kapën 400 kg kokainë në...

Pamje/ Italianët tregojnë si u ndoqën dhe kapën 400 kg kokainë në Kosovë

Mesditën e së hënës në Lipjan janë gjetur dhe sekuestruar 400 kilogramë substanca narkotike, e cila dyshohet të jetë kokainë. Përveç substancave narkotike, janë sekuestruar edhe armë, fishekë, para, veturë e telefona. Kjo u arrit falë një bashkëpunimi të ndërsjelltë, mes DEA-s amerikane, autoriteteve italiane, shqiptare dhe atyre të Kosovës.

 

Sasia marramendëse e kokainës ishte ngarkuar në Amerikën Latine, ndërsa vinte nga Brazili në një kontejner me mish pule.

Së fundmi gazetarja e ABC ka siguruar reagimin e palës italiane, konkretisht reagimin e Guardia di Finanza Comando Provinciale Reggio Calabria, të cilët kanë shpjeguar edhe se si është kapur droga.

GDF thekson se të paktën 25 persona janë ndalur dhe 7 prej tyre u janë vënë prangat si të dyshuar në përfshirjen e trafikimit të kësaj sasie kokaine.

Ngarkesa e paligjshme u identifikua nga Fiamme Gialle dhe nga Oficerët e Agjencisë Doganore të Gioia Tauro përmes skanimit me rreze X, të kryer me pajisje të sofistikuara në portin e Gioia Tauro, të një kontejneri në tranzit nga porti i Santos (Brazil) dhe që i drejtohej një kompanie me qendër në Lipjan (Kosovë).

Për të identifikuar autorët e trafikut masiv të paligjshëm, Prokuroria Publike e Reggio Calabria, DDA, urdhëroi ekzekutimin e një dërgese me ndërkombëtare duke mos e kapur drogën. Kështu në bashkëpunim me prokurorinë e Kosovës dhe atë shqiptare, sasia e madhe e kokainës u la që të dërgohej në destinacion, ku më pas u bë e mundur edhe arrestimi i personave të përfshirë në këtë trafik ndërkombëtar.

Droga, nëse shitet me pakicë në qendrat evropiane të tregtisë së drogës, do të kishte lejuar krimin e organizuar të fitonte mbi njëqind milion euro.

RELATED ARTICLES
- Advertisment -

Most Popular

Recent Comments