Wednesday, May 12, 2021
HomeLajmeOsmani takoi Sekretaren e Përgjithshme të Këshillit Rajonal të Bashkëpunimit, Majlinda Bregu

Osmani takoi Sekretaren e Përgjithshme të Këshillit Rajonal të Bashkëpunimit, Majlinda Bregu

Presidentja e Republikës së Kosovës, Vjosa Osmani priti sot në takim Sekretaren e Përgjithshme të Këshillit Rajonal të Bashkëpunimit, Majlinda Bregu, e cila e ka uruar për marrjen e detyrës dhe ka konfirmuar gatishmërinë për vazhdimin e punës së përbashkët në drejtim të avansimit të bashkëpunimit rajonal.

Ndërkaq, Presidentja Osmani theksoi se e vlerëson punën e Këshillit të Bashkëpunimit Rajonal drejt rritjes së bashkëpunimit rajonal dhe ndihmës drejt përmbushjes së perspektivës euro-atlantike të rajonit tonë.

”Puna juaj sigurisht ka kontribuar në përmirësimin e jetës së njerëzve në rajonin tonë dhe po vazhdon ta bëjë këtë me iniciativa të ndryshme inovative, të qëndrueshme dhe gjithëpërfshirëse”, theksoi Presidentja Osmani.

Të dy palët u dakorduan për të vazhduar shkëmbimin dhe komunikimin, gjersa diskutuan për mundësitë dhe hapësirën për bashkëpunim më të ngushtë në fushën e inovacionit, digjitalizimit dhe agjendës së gjelbër.

RELATED ARTICLES
- Advertisment -

Most Popular

Recent Comments