Tuesday, June 15, 2021
HomeLajmeKosovaNë Klinikën Infektive 60 pacientë të hospitalizuar me COVID-19, 90 për qind...

Në Klinikën Infektive 60 pacientë të hospitalizuar me COVID-19, 90 për qind e tyre me oksigjenoterapi

Drejtori i Klinikës Infektive, Izet Sadiku ka deklaruar se në këtë klinikë javët e fundit kanë pasur rënie të numrit të rasteve me Covid-19.

Ai ka thënë se 60 pacientë janë duke u trajtuar në Klinikën Infektive, ku prej tyre 90% janë në oksigjenoterapi.

“Në Klinikën Infektive javët e fundit kemi pasur një rënie të numrit të rasteve të hospitalizuar dhe për momentin kemi 60 pacientë prej të cilëve diku 90% janë në oksigjenoterapi”.

Sipas tij, Klinika Infektive që nga 13 marsi vazhdon të jetë klinikë Covid dhe se janë duke trajtuar vetëm pacientët me Coronavirus.

“Klinika Infektive që nga 13 marsi 2020 vazhdon të jetë klinikë Covid dhe vazhdon të trajtojë vetëm raste me Covid-19”, tha ai për EO.

Sipas tij, nëse bie edhe më shumë numri i rasteve të hospitalizuara me COVID-19, do të diskutohet që të ofrohen edhe shërbime tjera.

“Nëse vazhdon ky numër të bie edhe më shumë sigurisht që do të diskutohet në nivel të mekanizmave të Shërbimit Spitalor Klinik Universitar me qëllim që të merret vendimi se a mund të fillojë Klinika Infektive edhe më shërbime tjera. Por momentalisht Klinika Infektive trajton vetëm pacientë me Covid-19″, ka deklaruar ai.

Përndryshe, IKSHPK dje ka bërë të ditur se gjatë 24 orëve të fundit në vend janë testuar gjithsej 3,377 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 71 raste pozitive.

Brenda 24 orëve janë raportuar 2 raste të vdekjes me SARS CoV-2 pozitiv.

Numri total i rasteve pozitive është 106 914 raste nga 568 984 persona të dyshimtë në virusin SARS-CoV-2 dhe 2 225 raste të vdekjes.

RELATED ARTICLES
- Advertisment -

Most Popular

Recent Comments