Tuesday, May 11, 2021
HomeLajmeKosovaLladrovci vjen me një reagim pasi Specialja refuzoi lirimin e parakoshëm të...

Lladrovci vjen me një reagim pasi Specialja refuzoi lirimin e parakoshëm të Kadri Veselit

Kryetari i Drenasit, Ramiz Lladrovci, ka reaguar pasi Gjykata Speciale refuzoi lirimin me kusht për ish-pjesëtarin e UÇK’së, Kadri Veselin, si dhe ish-pjesëtarëve të tjerë, Hashim Thaçi, Rexhep Selimi dhe Jakup Krasniqi.

Lladrovci thotë se ky vendim e ka prekur emocionalisht, por se u shpreh akuzat për të cilat po gjykohen do të hidhen poshtë nga Specialja.

“Si shok e mik i Kadriut, kurrë nuk e kam besuar që ai do të jetë i shkëputur qoftë një minutë nga familja, prindërit dhe liria e Kosovës për të cilën punoi e dha aq shumë”, ka shkruar ai në ‘Facebook’.

Paneli i Gjykatës së Apelit ka hedhur poshtë kërkesën e mbrojtjes të ish-pjesëtarëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi, për lirim të përkohshëm.

“Të premten më 30 prill 2021, paneli i Gjykatës së Apelit nxori katër vendime me të cilat hodhi poshtë apelet e parashtruara nga Hashim Thaçi, Kadri Veseli, Rexhep Selimi dhe Jakup Krasniqi kundër katër vendimeve përkatëse të Gjykatësit të Procedurës Paraprake me të cilat ai refuzoi kërkesat e tyre fillestare për lirim të përkohshëm”, thuhet në njoftimin e lëshuar nga Dhomat e Specializuara.

Postimi i plotë i Lladrovcit:

Refuzimi i lirimit me kusht të Kadri Veselit nga Gjykata e Hagës, më preku pa masë.

Kam besuar dhe besoj në vendimet objektive të Dhomave të Specializuara dhe akuzat e shtetit që kreu gjenocid në Kosovë, do të hidhen poshtë.

Si shok e mik i Kadriut, kurrë nuk e kam besuar që ai do të jetë i shkëputur qoftë një minutë nga familja, prindërit dhe liria e Kosovës për të cilën punoi e dha aq shumë.

Kosova është heroike për bijtë e bijat e saj!

RELATED ARTICLES
- Advertisment -

Most Popular

Recent Comments