Saturday, June 19, 2021
HomeBotaKim Jong-un urdhëron pushkatimin e një burri në sy të familjes për...

Kim Jong-un urdhëron pushkatimin e një burri në sy të familjes për shitjen e filmave

Lideri komunist i Koresë Veriore, Kim Jong-un, raportohet se ka dhënë urdhër që një burrë të pushkatohet për shitjen ilegale të filmave dhe muzikës, ndërsa familja e të pushkatuarit është detyruar që ta shikojë aktin e ekzekutimit.

Burri që kishte fëmijë dhe që u identifikua me mbiemrin Lee ishte arrestuar në provincën Gangwon, para se të ekzekutohej 40 ditë më vonë para një turme prej 500 njerëzish, shkruan Daily Mail,

Lee u akuzua nga autoritetet për akte anti-socialiste për shkak të tregtisë me vdioe nga Koreja Jugore. besohet se ai u kap nga bija e një zyrtari ose nga grupi vëzhgues i lagjes përderisa po shiste filma dhe muzikë në mënyrë sekrete.

Raportohet se burri nga Koreja Veriore u ekzekutua pak më shumë se një muaj pas arrestimit, ndërsa bashkëshortja, djali dhe vajza e tij u detyruan që të qëndrojnë përballë tij dhe t’i shohim minutat e fundit të jetës së familjarit të tyre.

Koreja Veriore e ka në fuqi të ashtuquajturin ligj kundër mendimit anti-reaksionar, në të cilin përfshihet dënimi me vdekje për sjelljet anti-socialiste. Ky ligj besohet se shfrytëzohet nga pushteti absolut për t’i shtypur ndikimet e jashtme.

Raportohet se edhe 20 persona të tjerë janë në proces të ndjekjes penale pasi janë akuzuar për shitje të filmave dhe muzikës së Koresë Jugore.

 

 

RELATED ARTICLES
- Advertisment -

Most Popular

Recent Comments