Tuesday, May 11, 2021
HomeLajmeKosovaHoxhaj: Kurti rinisi dialogun pa vendosur reciprocitetin

Hoxhaj: Kurti rinisi dialogun pa vendosur reciprocitetin

Ushtruesi i detyrës së kryetarit të PDK-së, Enver Hoxhaj ka reaguar pas deklaratave të kryeministrit Albin Kurti, se do ta rinisin dialogun me Serbinë. Ai tha se Kurti me këtë vendim e ka përmbysur trashëgimin e tij politike kundër negociatave Kosovë-Serbi.

Më tutje Hoxhaj tha se Kurti e ka rinisur dialogun në Bruksel pa vendosur reciprocitet me Serbinë dhe pa pasur strategji apo platformë për dialogun.

“Me konfirmimin e tij për rinisje të dialogut me Serbinë, Albin Kurti sot e përmbysi gjithë trashëgiminë e tij politike kundër negociatave Kosovë-Serbi.  Kurti rinisi dialogun në Bruksel pa vendosur reciprocitet me Serbinë dhe pa një platformë apo strategji”, thuhet në postimin e tij.

Ndër të tjera Hoxhaj tha se Kurti ka rënë dakord që të hyjë në negociata për Autonomi për serbët e Kosovës.

“Nga Jo Negociata – Vetëvendosje, Kurti ra dakord në Bruksel që të hyjë në Negociata për Autonomi për serbët në Kosovë dhe të zhbëjë planin Ahtisaari që mundësoi pavarësinë e Republikës së Kosovës”, thuhet më tutje në postimin e Hoxhajt.

Postimi i plotë:

Me konfirmimin e tij për rinisje të dialogut me Serbinë, Albin Kurti sot e përmbysi gjithë trashëgiminë e tij politike kundër negociatave Kosovë-Serbi.

Kurti rinisi dialogun në Bruksel pa vendosur reciprocitet me Serbinë dhe pa një platformë apo strategji.

Nga Jo Negociata – Vetëvendosje, Kurti ra dakord në Bruksel që të hyjë në Negociata për Autonomi për serbët në Kosovë dhe të zhbëjë planin Ahtisaari që mundësoi pavarësinë e Republikës së Kosovës.

PDK si parti shtetformuese do të kundërshtojë çdo ide që synon zhbërjen e shtetit të Kosovës dhe përmbysjen e rendit kushtetues. Në Bruksel, duhet të ketë dialog vetëm për njohjen reciproke, asgjë tjetër.

RELATED ARTICLES
- Advertisment -

Most Popular

Recent Comments