Sunday, June 13, 2021
HomeLajmeKosova“Çka po don”, “Pse po bërtet”, rikthehen përplasjet e anëtarëve të VV-së...

“Çka po don”, “Pse po bërtet”, rikthehen përplasjet e anëtarëve të VV-së me Valdete Dakën

Anëtarët e VV-së në KQZ, Alim Rama dhe Sami Kurteshi janë përplasur me kryetaren e KQZ-së, Valdete Daka në mbledhjen e këtij institucioni që po mbahet tani.

Daka e ka pyetur anëtarin Alim Rama se çfarë po don.

“Çka po don Alim, a bon me ditë çka po don?

Rama i është përgjigjur Dakës, se e ka humbur kredibilitetin për të qenë kryesuese.

“Ti e ke humb kredibilitetin me qenë anëtare e KQZ-së e lëre më kryesuese”, ka thënë Rama.

Më pas Daka ia ka kthyer duke i thënë se nuk është çështje e tij.

“A e kam humb unë kredibilitetin a jo nuk është çështje e jotja”, i ka thënë Daka.

“Pse po bërtet Alim”, ka vazhduar ajo.

Pas këtij diskutimi ka ndërhyrë anëtari tjetër nga VV-ja, Sami Kurteshi e cila ka vazhduar përplasjen me Dakën duke i thënë se ka nënshkruar letra që s’i ka miratuar KQZ-ja.

“Zonja kryesuese, ju po ndërhyni, ju nuk keni të drejt të komentoni diskutimet e anëtarëve të KQZ-së, keni të drejt me kërku, a e ndëgjuat, vota për kundër dhe kaq. Arsyetime të tilla të kundërligjshme keni bërë vazhdimisht, keni nënshkruar letra që nuk i ka  miratuar KQZ-ja, pikërisht duke e keqpërdorur pozitën e monopolit njëfar mënyre të kryesueses. Akuza irituese është mos bërtit, po ju nuk po e lëni me fol”, ka thënë Kurteshi.

RELATED ARTICLES
- Advertisment -

Most Popular

Recent Comments