Enkelejd Alibeaj ka mbledhur Kryesinë dhe grupin parlamentar këtë të Hënë dhe në fokus të diskutimeve janë kandidatët për zgjedhjet lokale të 14 Majit. Në mbledhje janë prezentë deputetët: Eralda Tase Bane, Orjola Pampuri, Dhurata Çupi, Zheni Gjergji, Ferdinand Xhaferraj, Bledion Nallbati, Gazment Bardhi, Kreshnik Çollaku, Merita Bakiu, Enkelejd Alibeaj dhe Selaudin Jakupllari.
Nga ana tjetër ish-kryeministri Sali Berisha ka ankimuar në Kolegjin Zgjedhor vendimin e KAS për t’i dhënë të drejtën për të hyrë në zgjedhje grupit të Alibeajt.
Ish-kryeministri kërkon çregjistrimin nga zgjedhjet lokale të Partisë Demokratike me kryetar të komanduar Enkelejd Alibeajn.
/Gazeta Express
